Tuesday, February 17, 2009

အခန်းငယ်သို့

ကျွန်တော်ဒီမနက်အိပ်ရာနိုးတော့ ပထမဆုံးသတိပြုမိတာ အလင်းရောင်ပါ။
တရုတ်ကတ်မှန်တွေကြားက ၀င်လာတဲ့အလင်းရောင်ဟာ တစ်ဖက်တိုက်နဲ့နီးလွန်းတော့
အရောင်အားဖျော့လွန်းတယ်။ ခေါင်းအုံးဘေးထောင်ထားတဲ့ ချစ်သူဓါတ်ပုံက မှိန်ဖျော့ဖျော့...
ခြေရင်းကြိုးတန်းမှာလွှားထားတဲ့အ၀တ်က သုံးလေးထည်... လက်တစ်လှမ်းစာလောက်မှာ
ဖွင့်တချို့ပိတ်တချို့နဲ့ စာအုပ်တွေ.... ပက်လက်လှန်နေရင်း မျက်နှာကျက်ကိုလျောက်ကြည့်နေရင်း
မြင်ကွင်းဒေါင့်ချိုးမှာ တွဲလဲခိုနေတာက ပင့်ကူအိမ်ပိုးချည်ထွေး...။
အော်... ဒါကျွန်တော့် ၀ပ်ကျင်း ၊ ကျွန်တော့် အသိုက်လေးပါလား။
ဒါနဲ့ နေလို့ကောင်းရဲ့လားလို့ မေးကြည့်မိတယ်။ တစ်ပေတောင်မပြည့်တဲ့အကွာအဝေးမှာတဖက်တိုက်ရဲ့နံရံ..
အဲဒီနံရံရဲ့ တဖက်က ညတိုင်းညတိုင်း အော်ဟစ်ဆဲဆိုနေတဲ့ အရက်သမားတစ်ယောက်၊
အောက်ထပ်မှာ အသက် ၂၁ နှစ်အရွယ်သားကို ခဏခဏရိုက်တဲ့ ကြိမ်းမောင်းတဲ့အဒေါ်ကြီး...
ကျွန်တော်ပြုံးမိတယ် ။ ဘာပဲဖြစ်ဖြစ်လေ သေနတ်သံတွေ ဗုံးသံတွေလောက်တော့ မဆိုးဘူးပေါ့။
တန်းပေါ်က တဘက်ကိုဆွဲပြီး နောက်ဖေးခန်းဘက်ထွက်လာတော့ ခြေလှမ်း ၁၅ လှမ်းမပြည့်ခင်
နောက်ဖေးပြတင်းပေါက်ဆီရောက်ပြီလေ ။ ပြတင်းပေါက်ကိုတွန်းဖွင့်လိုက်တာနဲ့ ပထမဆုံးနှုတ်ဆက်တာ
အသံနက်နက်နဲ့ ကျီးကန်းနက်နက်လေးတွေ... မင်္ဂလာပါပေါ့ ။ တသွင်သွင်စီးနေတဲ့မြောင်းရေ နောက်နောက်မှာ
ရောင်စုံပလတ်စတစ်အိပ်ပါးတွေက စုန်ဆင်းလို့ .. ဘယ်ထိသွားကြမှာလဲ မသိ... ။သွားတိုက်ရင်းငေးကောင်း
ကောင်းနဲ့ ငေးနေမိတော့တာပါပဲ ။
ဂိုဒေါင်အိုကြီးနံရံမှာကပ်ပေါက်တဲ့ညောင်ပင်၊ ကျီးကန်းခုန်ဆွခုန်ဆွများ ၊ ရောင်စုံအိတ်တွေရဲ့ ရွက်လွင့်ခြင်း...
တော်တော်ဟုတ်တဲ့ မနက်ခင်းပါလားလို့ရေရွတ်မိတယ်... တိုးတိုးလေးပေါ့ ။
လွန်ခဲ့တဲ့နှစ်က ကျွန်တော်ဘယ်လိုနေရာကနေ ဘယ်လိုနိုးလာခဲ့လဲ...။လိုက်ကာစတွေကို တစ်ယောက်ယောက်ကမဆွဲတင်မချင်း၊ ကျွန်တော့်မျက်ခွံပါးပါးပေါ် နေရောင်နွေးနွေး မကျမချင်း၊ တစ်ယောက်က ကျွန်တော့်ကို လာမနိုးမချင်းကျွန်တော် အိပ်ရာကမထခဲ့ဘူး။ အိမ်မှာရှိတဲ့ ဘယ်ပြတင်းတံခါးကိုဖွင့်ဖွင့် မြင်လေရာရာအစိမ်း... မျက်နှာသစ်ပြီးအိမ်ပြင်ထွက်ခြံစည်းရိုးလိုစိုက်ထားတဲ့ ဗိုလ်ကတော်မျက်ခုံးပင်လေးတွေကို လက်နဲ့ထိလိုက်ရင် ညကကြွင်းတဲ့နှင်းဟာလက်မှာအေးလို့ ။ လေတိုက်တိုင်း သူတို့ရဲ့အရွက်တွေကို လေးတွဲ့တွဲ့ယိမ်းပြတဲ့ ငှက်ပျောရွက်ဖားဖားတွေ ၊ဇက်ရက်ငှက်တွေရဲ့ ခပ်စွာစွာအသံ ၊ စာကလေးတွေရဲ့ အသံသေးသေးလေးတွေ.... ။
ဖိနပ်မပါဘဲ မြေပေါ်နင်းမိတဲ့အခါတိုင်း ရှင်သန်နေတဲ့ ကမ္ဘာကိုခံစားရတယ် ။ အေးစက်စက်အသေကောင်လို
ကွန်ကရစ်ကြမ်းခင်းနဲ့ ဘယ်လိုမှမတူတဲ့ ခံစားမှု ....။
ကျွန်တော့်ကို အဲဒီနွေးထွေးတဲ့ နေရာလေးကဆွဲထုတ်ပြီး အခုဒီအေးစက်မှောင်မဲအခန်းထဲ ဘယ်သူပစ်ထည့်ခဲ့တာလဲ ။
ကျွန်တော် ခဏစိတ်ပျက်သွားတယ် ။ အမိုးရယ်၊ အခင်းရယ်၊ အကာရယ် ပြည့်စုံပေမယ့် အိမ်ရယ်မမြည်တဲ့
ဒီအခန်းလေးကို ကျွန်တော်မုန်းသင့်ရဲ့လား၊ စိတ်ပျက်သင့်ရဲ့လား...။ သူ့မှာလည်း သူဒီလိုဖြစ်ပျက်ရခြင်းရဲ့ အကြောင်းရှိပါလိမ့်မယ် ။
ကောင်းတာတွေနဲ့ယှဉ်မိတော့ သူမကောင်းဘူးပေါ့ ။ မကောင်းတာတွေနဲ့ယှဉ်မိရင် သူတော်တော်ကောင်းနေပါသေးတယ် ။ဘာပဲဖြစ်ဖြစ် ကျွန်တော်အလုပ်က ပင်ပင်ပန်းပန်းပြန်လာတိုင်း သူ့ရင်ဘတ်ညစ်ထေးထေးလေးနဲ့ ...ကျွန်တော့်ကို အခုထိသိမ်းထုပ်ပေးနေတာကိုပဲ ကျွန်တော်ကျေနပ် ကျေးဇူးတင်ရမှာပါ....... ။
အ၀တ်လဲဖို့ အခန်းလေးထဲဝင်တော့ တရုတ်ကတ်မှန်ကြားက ခပ်ဝါးဝါးအလင်းရောင်အောက်မှာ
ချစ်သူရဲ့ ဓါတ်ပုံလေးက ပြုံးလို့... ... ... ။

4 comments:

ဖိုးဂျယ် said...

ချစ်သူ ဓာတ်ပုံလေးက အမြဲ ပြုံးပြသလို
အပြင်မှာလဲ ပြုံးပြပါစေဗျာ

နန်းညီ said...

အခန်းငယ်လေး အေးစက်စက်မှာ ဓာတ်ပုံလေးကြောင့် မနွေးထွေးဘူးလား.. “အမိုးရယ်၊ အခင်းရယ်၊ အကာရယ် ပြည့်စုံပေမယ့် အိမ်ရယ်မမြည်တဲ့..” အနည်းဆုံးတော့ မိုးပေး ကာပေးနေသေးတယ်လေ.. မမုန်းသင့်ပါဘူး (ထင်တာပဲဝ

Too Mar (toomar@gmail.com) said...

သူများတွေဆိုပြုံးပြမယ့်ချစ်သူတောင် မရှိဘူး

MANORHARY said...

စမ်းချောင်းကလေးစီးဆင်းလာတဲ့အရပ်ကိုလာကြည့်တော့
အခန်းငယ်လေးတစ်ခန်းတွေ့ရတယ်
ဒီလိုပါပဲ..ဘ၀ဆိုတာက...
နောက်တစ်ချိန်က အဲဒီအရာတွေကို အပရိကတွေအဖြစ်ရယ်မောသွားနိုင်
ချစ်သွားနိုင်ပါလိမ့်မယ်။